အောင်ဇေယျာမင်း (ဘက)ကျောင်း၊ လှိုင်သာယာ

ကုသိုလ်အဖွဲ့နဲ့ Lotus အဖွဲ့တို့ အတူတူသွားရောက်ခဲ့တဲ့ မြန်မာနိုင်ငံရှိ တချို့သော ဘက ကျောင်းများရဲ့ အခြေအနေနဲ့ ဖွဲ့စည်းထားပုံများကို တင်ပြချင်ပါတယ် .. ထိုခရီးစဉ်ကို ကုသိုလ်အဖွဲ့မှ မလဲ့၊ မနေသူနဲ့ မိုးခါး၊ Lotus အဖွဲ့မှ ကိုဇင်မင်းမော်၊ ကိုစိုးပိုင်၊ ကိုမင်းမင်းဇော် နဲ့ မအိဖြူတို့ အတူတကွ သွားရောက်ခဲ့ပါတယ် .. ကူညီပို့ဆောင်ပေးသော Lotus အဖွဲ့ဝင်များနှင့် တကွ ဒေသခံများအားလုံးကို ကျေးဇူးအထူးတင်ကြောင်း ဦးစွာ ပြောကြားလိုပါတယ် ..

ခရီးစဉ်အနေနဲ့ စီစဉ်ဖြစ်တာကတော့ ပထမရက် လှိုင်သာယာ ရွှေပြည်သာတွင် ရှိသော အောင်ဇေယျာမင်းကျောင်း (လှိုင်သာယာ) နှင့် ရွှေရတနာ သီလရှင် စာသင်တိုက် (ရွှေပြည်သာ) တို့ကို သွားရောက်ဖြစ်ခဲ့ပါတယ် .. ဒုတိယရက်မှာတော့ မော်ကျွန်း ၀ါးခယ်မ နှင့် နောက်တရက်မှာတော့ ကွမ်းခြံကုန်းမြို့နယ်တို့ရှိ ဘက ကျောင်းများစီ ရောက်ရှိခဲ့ပါတယ် ..

၅-၅-၁၂ (စနေနေ့) နေ့လည်မှ စတင်ပြီး အဖွဲ့ဝင်များစုရုံးကာ လှိုင်သာယာတွင် တည်ရှိသော အောင်ဇေယျာမင်း ကျောင်းသို့ သွားရောက်ခဲ့ပါတယ် .. ထိုကျောင်းတွင် မူလတန်းမှ အထက်တန်းထိ ပညာသင်ယူနေသော ကလေးငယ်ပေါင်း ကျား-မ ၃၀၀/၃၅၀ ကျော် ခန့် ရှိပါတယ် .. ထိုအထဲတွင် ကုသိုလ်အဖွဲ့မှ ကျောင်းစရိတ် တာဝန်ယူ ထောက်ပံ့ပေးသော ကလေးငယ်ပေါင်း အယောက် ၃၀ခန့်ရှိပါသည် ..

ကျောင်းနံရံတွင် တွေ့ရသော ပုံတပုံ

ကျောင်းဝင်းအတွင်းရှိ စေတီငယ်

ဘုရားခန်း

ကျောင်းထိုင်ဆရာတော်

သောက်ရေကန်

အခမဲ့ ဆေးခန်း

စာသင်ဆောင်

အိပ်ဆောင်

ကုသိုလ် Lotus အဖွဲ့ နှင့် ကလေးငယ်များ အမှတ်တရ

နံရံပေါ်မှာ ရုပ်ပုံ တခု

ကလေးကစားကွင်း

အဆောင်သစ်အတွက် ကိုရင် နှင့် ဦးဇင်းများ ကိုယ်တိုင် လုပ်အားပေးနေကြပုံ

ကျောင်းဝင်းအတွင်းမှ ရှုခင်းသာ

အဖွဲ့ ရောက်ရှိချိန်မှာ ၉တန်းနှစ် အတန်းတက်ရောက်ဖို့ ရောက်ရှိနေတဲ့ ၉တန်း ၁၀တန်း ကလေးများကိုလည်း တွေ့ခဲ့ရပါတယ် .. ကလေးအချို့နဲ့လည်း စကားစမြည်ပြောဖြစ်ခဲ့ပါတယ် .. အောက်မှပုံကတော့ ၉တန်း နှင့် ၁၀တန်း ကလေးငယ်များ နေထိုင်ရာ အဆောင် ဖြစ်ပါတယ် ..

၉တန်း ၁၀တန်း ကလေးများ နေထိုင်ရာ အဆောင် 

ကျောင်းဆောင်

အများအကျိုးပြုလုပ်နေသူတိုင်းအဖို့ ကူညီသူ ထောက်ပံ့ ပံ့ပိုးသူများ ပေါ်ပေါက်လာတာ သဘာဝပါ .. ခုလည်းပဲ ထိုကျောင်းကလေးဟာ နေထိုင်သူများအတွက် လုံခြုံသော အခြေခံ အဆောက်အဦးများ အတော်အတန် ပြည့်စုံနေပြီဖြစ်ပေမယ့် ကလေးများအတွက် စားသောက်စရိတ် သွားလာစရိတ်နဲ့ ကျောင်းစရိတ်များအတွက်တော့ လိုအပ်နေဆဲ ဖြစ်ပါတယ် ..

ကျောင်းထိုင်ဘုန်းဘုန်းနဲ့ စကားစမြည်ပြောဆိုတဲ့ အခါမှာ - မီးမပြည့်စုံမှုအတွက် မီးစက်မောင်းရပါတယ် .. အဓိကအားဖြင့် ရေစုပ်ဖို့နဲ့ ကလေးများညအခါ စာကြည့်နိုင်ဖို့အတွက်ပါ .. ကွန်ပျူတာအလှူရှင်တွေ ရှိပေမယ့် မီးမပြည့်စုံမှု ဆရာမရှိမှုတို့ကြောင့် ကလေးများ ကွန်ပျူတာကို လေ့လာဖို့ အခွင့် မသာသေးပါဘူး .. အကြောင်းအမျိုးမျိုးနဲ့ ရောက်ရှိလာတဲ့ မြန်မာနိုင်ငံအနှံအပြားက ကလေးပေါင်း အယောက် ၃ ၄ ရာ ခန့်ကို နေ့စဉ်နဲ့အမျှ တာဝန်ယူ ထိန်းကျောင်း ကျွေးမွေးပြုစုရတဲ့ တာဝန်ဟာလည်း မသေးလှပါဘူး .. ဒါ့အပြင် နို့စို့ကလေးငယ်များပါ ကျောင်းမှာ ရှိနေပါသေးတယ် .. အဲဒီအတွက် အနီးအနား ရပ်ရွာထဲမှ စေတနာရှင် နို့ထိန်းများပါ ထားရှိရပါတယ် .. ကုန်ကျလာတဲ့ စရိတ်အားလုံးကိုလည်း ရရှိလာတဲ့ အလှူငွေများထဲမှ ခွဲခြမ်း သုံးစွဲရပါတယ် ..

ကလေးငယ်များနဲ့ စကားစမြည်ပြောဆိုတဲ့ အခါမှာတော့ - ကလေးတွေက ကွန်ပျူတာ သင်တန်းလို စကားပြောသင်တန်းလို သင်တန်းမျိုးတွေ တက်ရောက်ဖို့ စိတ်ဝင်စားတဲ့အပြင် စာဖတ်ဖို့လည်း စိတ်အားထက်သန်ကြပါတယ် .. ဒါပေမယ့် စာကြည့်တိုက် မရှိသေးတဲ့အတွက် စာတွေဖတ်ပြီး အသိပညာတွေ တိုးပွားဖို့ အလှမ်းကွာနေပါသေးတယ် ..

ကလေးတွေဟာ ကလေးပီပီသသ မိဘရင်ခွင်ထဲ နေထိုင်ခွင့် ဆိုးနွဲ့ခွင့် မရကြပေမယ့် ထိုက်သင့်တဲ့ နွေးထွေးလုံခြုံမှုတွေကို ရရှိနေတယ်ဆိုသော်လည်း လိုအပ်ချက်တွေကတော့ ရှိနေစမြဲပါ .. အကယ်၍များ အချိန်လည်းရ စိတ်လည်းဝင်စားမယ်ဆိုရင် ထိုကျောင်းလေးကို တဦးချင်း တယောက်ချင်းပဲဖြစ်ဖြစ် အသင်းအဖွဲ့နဲ့ပဲ ဖြစ်ဖြစ် တခေါက်လောက် သွားကြည့်စေချင်ပါတယ် .. ဖြူစင်တဲ့ မျက်နှာလေးတွေနဲ့ ကလေးငယ်တွေဟာ အပြုံးကိုယ်စီနဲ့ ကြိုနေမှာပါ .. စာသင်နှစ်လည်း စဖို့ အချိန်နီးကပ်လာပြီဖြစ်လို့ ကိုယ့်လုပ်အားခလေးထဲက အနည်းငယ်လောက်ကို ရင်းနှီးပြီး ကလေးတယောက်လောက်ရဲ့ ဘ၀အလင်းကို တဖက်တလမ်းက ထွန်းညှိပေးကြရအောင်ပါ ..

*ကျောင်းရဲ့ တည်နေရာ - ရန်ကုန်တိုင်း၊ လှိုင်သာယာမြို့နယ်၊ အလယ်ရွာ (ရွှေပြည်သာတံတားအဆင်း)*

Kutho (http://www.kutho.org/)

Giving many helping hands